Ճգնաժամային հաղորդակցությունների կառավարում

Դասընթացի նկարագրություն

«Ճգնաժամային հաղորդակցությունների կառավարում» դասընթացը հնարավորություն է տալիս մասնակիցներին ձեռք բերել գիտելիքներ և գործնական հմտություններ ճգնաժամային իրավիճակներում արդյունավետ հաղորդակցվելու և կազմակերպության հեղինակությունը պաշտպանելու վերաբերյալ։

Դասընթացի ընթացքում մասնակիցները կծանոթանան ճգնաժամային իրավիճակների բնույթին, դրանց զարգացման փուլերին և հաղորդակցության արդյունավետ կառավարման մեթոդներին։ Առանձնահատուկ ուշադրություն կդարձվի այն գործիքներին և ռազմավարություններին, որոնք թույլ են տալիս ճգնաժամային պայմաններում արագ արձագանքել, ապահովել տեղեկատվության ճիշտ փոխանցում և պահպանել վստահությունը շահառուների շրջանում։

Դասընթացի նպատակը

Դասընթացի նպատակն է զարգացնել մասնակիցների կարողությունները ճգնաժամային իրավիճակներում արդյունավետ հաղորդակցություն կազմակերպելու, տեղեկատվությունը ճիշտ կառավարվելու և կազմակերպության հեղինակությունը պահպանելու ուղղությամբ։

Ինչ կսովորեք

Դասընթացի ավարտին մասնակիցները կկարողանան՝

• հասկանալ ճգնաժամերի տեսակները և դրանց զարգացման փուլերը,

• գնահատել ճգնաժամային իրավիճակների հնարավոր ազդեցությունը կազմակերպության հեղինակության վրա,

• մշակել ճգնաժամային հաղորդակցության ռազմավարություններ և գործողությունների պլան,

• արդյունավետ ձևավորել և տարածել հաղորդագրություններ տարբեր լսարանների համար,

• աշխատել մեդիայի և սոցիալական ցանցերի հետ ճգնաժամային պայմաններում,

• կազմակերպել ներքին հաղորդակցությունը ճգնաժամային իրավիճակներում,

• իրականացնել ճգնաժամից հետո վերլուծություն և վերականգնել կազմակերպության հեղինակությունը։

Ում համար է նախատեսված

Դասընթացը նախատեսված է՝

• հանրային ծառայողների համար,

• պետական մարմինների ղեկավարների և աշխատակիցների համար,

• հաղորդակցության և հանրային կապերի մասնագետների համար,

• կազմակերպությունների ղեկավարների և թիմերի առաջնորդների համար,

• բոլոր նրանց համար, ովքեր ներգրավված են կազմակերպական հաղորդակցության և հանրային հարաբերությունների կառավարման գործընթացներում։

Դասընթացի բովանդակությունը

Դասընթացը ներառում է հետևյալ թեմաները․

1. Ճգնաժամի բնույթը և առանձնահատկությունները
2. Ճգնաժամի փուլերը՝ նախաճգնաժամ, ճգնաժամ, հետճգնաժամ
3. Ճգնաժամային իրավիճակների տիպաբանություն
4. Ճգնաժամային հաղորդակցության ռազմավարություններ և մարտավարություններ
5. Հաղորդագրությունների ձևավորում և փոխանցում տարբեր լսարանների համար
6. Մեդիայի հետ արդյունավետ համագործակցություն ճգնաժամային իրավիճակներում
7. Սոցիալական ցանցերում արձագանքման մեխանիզմներ
8. Ներքին հաղորդակցության կազմակերպում ճգնաժամային պայմաններում
9. Ճգնաժամային հաղորդակցության պլանի մշակում
10. Ճգնաժամից հետո վերլուծություն և հեղինակության վերականգնում

Վերապատրաստման արդյունքը

Դասընթացի ավարտից հետո մասնակիցները ձեռք կբերեն գիտելիքներ և գործնական հմտություններ, որոնք կօգնեն արդյունավետ կառավարել հաղորդակցությունը ճգնաժամային իրավիճակներում, նվազագույնի հասցնել հեղինակության կորուստները և արագ վերականգնել վստահությունը շահառուների շրջանում։

Դասընթացի ավարտից հետո մասնակիցներին տրամադրվում է հավաստագիր։

Դասընթացավար

Դասընթացը վարում է Աստղիկ Ավետիսյանը,

Կազմակերպման ձևաչափ

Դասերի հաճախականությունը՝ շաբաթական 2 հանդիպում, 2 շաբաթ

Դասընթացի տևողությունը՝ յուրաքանչյուր դասը՝ 80 րոպե

Դասընթացի ձևաչափը՝ առցանց, տեսական և գործնական բաղադրիչների համադրությամբ