Անգլերեն լեզվի դասընթացներ B2 մակարդակում

Դասընթացի նկարագրություն

Այս 6-շաբաթյա անգլերեն լեզվի դասընթացը (B2 մակարդակ) նախատեսված է զարգացնելու մասնակիցների հաղորդակցական կարողությունները և խորացնելու անգլերեն լեզվի կիրառությունը ինչպես առօրյա, այնպես էլ մասնագիտական և ակադեմիական միջավայրում։ Դասընթացը նպաստում է խոսելու, լսելու, կարդալու և գրելու հմտությունների զարգացմանը՝ միաժամանակ ընդլայնելով մասնակիցների բառապաշարը տարբեր թեմատիկ ոլորտներում։

Յուրաքանչյուր շաբաթական հանդիպումը (2–3 ժամ) ներառում է քերականական նյութի ուսումնասիրություն, բառապաշարի զարգացում, արտասանության կատարելագործում և ինտերակտիվ առաջադրանքներ, որոնք նպաստում են լեզվի գործնական կիրառմանը տարբեր իրավիճակներում։

Դասընթացի նպատակը

Դասընթացի նպատակն է զարգացնել մասնակիցների անգլերեն լեզվի հաղորդակցական հմտությունները B2 մակարդակում, ընդլայնել նրանց բառապաշարը և բարելավել լեզվի կիրառման կարողությունները ակադեմիական, մասնագիտական և առօրյա հաղորդակցության մեջ։

Ինչ կսովորեք

Դասընթացի ավարտին մասնակիցները կկարողանան՝

• ավելի վստահ մասնակցել քննարկումների և արտահայտել սեփական կարծիքը տարբեր թեմաների շուրջ,

• հասկանալ և վերլուծել միջինից բարձր բարդության խոսակցական և գրավոր նյութեր,

• կիրառել տարբեր քերականական կառուցվածքներ խոսքի և գրավոր հաղորդակցության ընթացքում,

• օգտագործել ավելի լայն և բազմազան բառապաշար տարբեր թեմատիկ ոլորտներում,

• զարգացնել արտասանությունը և խոսքի հստակությունը,

• կատարել ավելի կառուցվածքային և տրամաբանական գրավոր աշխատանքներ։

Ում համար է նախատեսված

Դասընթացը նախատեսված է՝

• այն անձանց համար, ովքեր արդեն ունեն անգլերեն լեզվի միջինից բարձր մակարդակի գիտելիքներ (B1–B2),

• հանրային ծառայողների համար, ովքեր ցանկանում են բարելավել իրենց լեզվական հաղորդակցական հմտությունները,

• մասնագետների համար, ովքեր իրենց աշխատանքում օգտագործում են անգլերեն լեզուն,

• բոլոր նրանց համար, ովքեր ցանկանում են զարգացնել իրենց անգլերեն լեզվի մակարդակը և ավելի վստահ հաղորդակցվել միջազգային միջավայրում։

Դասընթացի բովանդակությունը

Դասընթացը ներառում է հետևյալ թեմաները․

Քերականություն

• Present Simple և Present Continuous

• Հարցական կառուցվածքներ (Question forms)

• Past Simple և Present Perfect ժամանակների տարբերություններ

• Ժամանակային արտահայտություններ (Time expressions)

• Comparative և Superlative ածականներ

Բառապաշար

• Շրջակա միջավայր և կլիմայի փոփոխություն

• Աղտոտում, վերամշակում և բնապահպանական լուծումներ

• Անձնային հատկանիշներ և սոցիալական վարքագիծ

• Մարդկային հարաբերություններ, զգացմունքներ և հույզեր

• Գիտական հետազոտություններ, հայտնագործություններ և փորձարարություններ

• Նորարարություն և գիտական տերմինաբանություն

• Արվեստի տարբեր ձևեր՝ երաժշտություն, կինո և գրականություն

• Կարծիք արտահայտելու և քննարկում վարելու լեզվական միջոցներ

Վերապատրաստման արդյունքը

Դասընթացի ավարտից հետո մասնակիցները ձեռք կբերեն զարգացած լեզվական և հաղորդակցական հմտություններ, որոնք հնարավորություն կտան ավելի վստահ օգտագործել անգլերեն լեզուն տարբեր ակադեմիական, մասնագիտական և առօրյա իրավիճակներում։

Դասընթացի ավարտից հետո մասնակիցներին տրամադրվում է հավաստագիր։

Դասընթացավար

Դասընթացը վարում է  Լիլիթ Պետրոսյանը,

Կազմակերպման ձևաչափ

Դասերի հաճախականությունը՝ շաբաթական 2 հանդիպում, 6 շաբաթ

Դասընթացի տևողությունը՝ յուրաքանչյուր դասը՝ 80 րոպե

Դասընթացի ձևաչափը՝ առցանց, տեսական և գործնական բաղադրիչների համադրությամբ