Հանրային վստահության ձևավորում և հեղինակության կառավարում

Դասընթացի նկարագրություն

«Վստահության ձևավորում և հեղինակության կառավարում» դասընթացը հնարավորություն է տալիս մասնակիցներին ձեռք բերել գիտելիքներ և գործնական հմտություններ անձնական և կազմակերպչական հեղինակության կառուցման, ինչպես նաև շահառուների վստահությունը ձևավորելու և պահպանելու վերաբերյալ։

Դասընթացի ընթացքում մասնակիցները կծանոթանան վստահության ձևավորման հիմնական սկզբունքներին, դրանց ազդեցությանը մասնագիտական հեղինակության վրա և այն գործիքներին, որոնք թույլ են տալիս ձևավորել կայուն և վստահելի հարաբերություններ տարբեր լսարանների հետ։

Դասընթացի նպատակը

Դասընթացի նպատակն է զարգացնել մասնակիցների կարողությունները՝ կառուցելու և պահպանելու վստահելի անձնական և կազմակերպչական հեղինակություն, արդյունավետ հաղորդակցվելու շահակիցների հետ և ստեղծելու վստահության վրա հիմնված համագործակցային միջավայր։

Ինչ կսովորեք

Դասընթացի ավարտին մասնակիցները կկարողանան՝

• հասկանալ վստահության ձևավորման հիմնական բաղադրիչները՝ վստահելիություն, հավաստիություն և մտերմություն,

• վերլուծել թիրախային լսարանները և հասկանալ նրանց ակնկալիքները,

• կիրառել հեղինակության կառավարման հիմնական գործիքները,

• կանխատեսել և կառավարել հեղինակության հետ կապված ռիսկերը,

• կիրառել հետադարձ կապի մեխանիզմներ՝ վստահության ամրապնդման համար,

• ձևավորել դրական և կայուն հարաբերություններ գործընկերների, շահառուների և հաճախորդների հետ։

Ում համար է նախատեսված

Դասընթացը նախատեսված է՝

• հանրային ծառայողների համար,

• պետական մարմինների ղեկավարների և աշխատակիցների համար,

• հաղորդակցության և հանրային կապերի մասնագետների համար,

• կազմակերպությունների ղեկավարների և թիմերի առաջնորդների համար,

• բոլոր նրանց համար, ովքեր ցանկանում են զարգացնել վստահության և հեղինակության կառավարման հմտությունները։

Դասընթացի բովանդակությունը

Դասընթացը ներառում է հետևյալ թեմաները․

• Վստահության ձևավորման հիմնական սկզբունքները
• Վստահելիություն, հավաստիություն և մտերմություն որպես վստահության հիմնասյուներ
• Անձնական և կազմակերպչական հեղինակության ձևավորում
• Թիրախային լսարանների վերլուծություն և ակնկալիքների գնահատում
• Հեղինակության կառավարման գործիքներ և մեթոդներ
• Հեղինակության ռիսկերի կառավարում
• Արժեհամակարգի և կորպորատիվ մշակույթի դերը վստահության ձևավորման մեջ
• Հետադարձ կապի մեխանիզմներ և լսարանների ներգրավում
• Սոցիալական պատասխանատվության դերը վստահելի միջավայր ստեղծելու գործում
• Գործնական իրավիճակների քննարկում և փորձի փոխանակում

Վերապատրաստման արդյունքը

Դասընթացի ավարտից հետո մասնակիցները ձեռք կբերեն գիտելիքներ և գործնական հմտություններ, որոնք կօգնեն ձևավորել և պահպանել դրական անձնական և կազմակերպչական հեղինակություն, ինչպես նաև կառուցել երկարաժամկետ վստահություն գործընկերների, շահառուների և հաճախորդների հետ։

Դասընթացի ավարտից հետո մասնակիցներին տրամադրվում է հավաստագիր։

Դասընթացավար

Դասընթացը վարում է Աստղիկ Ավետիսյանը,

Կազմակերպման ձևաչափ

Դասերի հաճախականությունը՝ շաբաթական 2 հանդիպում, 2 շաբաթ

Դասընթացի տևողությունը՝ յուրաքանչյուր դասը՝ 80 րոպե

Դասընթացի ձևաչափը՝ առցանց, տեսական և գործնական բաղադրիչների համադրությամբ