Դասընթացի նկարագրություն

«Սահմանադրություն և մարդու իրավունքներ. ինստիտուցիոնալ և արժեքային հիմքեր» դասընթացը նպատակ ունի մասնակիցներին ներկայացնել Սահմանադրության դերը պետության և հասարակության կյանքում, ինչպես նաև բացատրել հանրային իշխանության կազմակերպման հիմունքները և մարդու հիմնարար իրավունքների ու ազատությունների համակարգը։

Դասընթացը անդրադառնում է Սահմանադրության հիմնական սկզբունքներին, հանրային իշխանության կառուցվածքին, մարդու իրավական կարգավիճակին և մարդու հիմնարար իրավունքների պաշտպանության մեխանիզմներին։

Ծրագիրը համադրում է տեսական գիտելիքները և վերլուծական մոտեցումները՝ նպաստելով մասնակիցների իրավական գիտելիքների ընդլայնմանը և իրավագիտակցության բարձրացմանը։

Դասընթացի նպատակը

Դասընթացի նպատակն է մասնակիցներին ծանոթացնել ՀՀ Սահմանադրությանը, սահմանադրական կարգի հիմունքներին, հանրային իշխանության կառուցվածքին և դրա կազմակերպման սկզբունքներին, ինչպես նաև մարդու և քաղաքացու հիմնարար իրավունքներին և դրանց պաշտպանության մեխանիզմներին։

Դասընթացը միտված է մասնակիցների իրավական գիտելիքների ընդլայնմանը և քաղաքացիների իրավագիտակցության բարձրացմանը։

Ինչ կսովորեք

Դասընթացի ավարտից հետո մասնակիցները կկարողանան՝

• պատկերացում կազմել ՀՀ Սահմանադրության բովանդակության և դրա առանձնահատկությունների մասին,

• կողմնորոշվել հանրային իշխանության կազմակերպման և կառուցվածքի առանձնահատկություններում,

• հասկանալ մարդու հիմնարար իրավունքների և ազատությունների համակարգը,

• վերլուծել մարդու իրավական կարգավիճակը և դրա սահմանադրական հիմքերը,

• կիրառել Սահմանադրությամբ ամրագրված մարդու իրավունքների պաշտպանության հիմնական մեխանիզմները։

Ում համար է նախատեսված դասընթացը

Դասընթացը նախատեսված է՝

• պետական և հանրային ծառայողների համար,

• իրավաբանների և իրավաբանական ոլորտում աշխատող մասնագետների համար,

• ուսանողների և երիտասարդ մասնագետների համար,

• հասարակական կազմակերպությունների ներկայացուցիչների համար,

• բոլոր այն անձանց համար, ովքեր ցանկանում են խորացնել իրենց գիտելիքները Սահմանադրության և մարդու իրավունքների ոլորտում։

Դասընթացի բովանդակությունը

Դասընթացը ներառում է հետևյալ թեմաները․

• Ի՞նչ է Սահմանադրությունը

• Սահմանադրական հիմնունքները

• Հանրային իշխանության կազմակերպումն ու կառուցվածքը

• Ազատություն և իրավունքներ. մարդու իրավական կարգավիճակը

• Մարդու հիմնարար իրավունքների և ազատությունների համակարգը

• Հիմնական իրավունքների սահմանափակման հիմքերը և կարգը

• Համաչափության սկզբունքը մարդու իրավունքների սահմանափակման գործընթացում

Վերապատրաստման արդյունքը

Դասընթացի ավարտից հետո մասնակիցները ձեռք կբերեն հիմնական գիտելիքներ ՀՀ Սահմանադրության, սահմանադրական կարգի հիմունքների և մարդու հիմնարար իրավունքների մասին, ինչը կնպաստի իրավական գիտակցության բարձրացմանը և մարդու իրավունքների արդյունավետ պաշտպանության մեխանիզմների կիրառմանը։

Դասընթացի ավարտից հետո մասնակիցներին տրամադրվում է հավաստագիր։

Դասընթացավար

Դասընթացը վարում է Սամվել Ջաբաղյանը,

Կազմակերպման ձևաչափ

Դասերի հաճախականությունը՝ շաբաթական 2 հանդիպում, 2 շաբաթ

Դասընթացի տևողությունը՝ յուրաքանչյուր դասը՝ 40 րոպե

Դասընթացի ձևաչափը՝ առցանց, տեսական և գործնական բաղադրիչների համադրությամբ