Մեր մասնագետների մեծ մասն ունի պետական կառավարման համակարգում աշխատելու փորձ։ Կազմակերպիչները, դասընթացների բովանդակության մշակողները և դասընթացավարներն ունեն ինչպես ակադեմիական, կրթական ոլորտի աշխատանքի, դասավանդման, կրթության կառավարման, կրթության որակի ապահովման համակարգի ներդրման բազմամյա փորձ, այնպես էլ պետական մարմիններում աշխատանքի փորձառություն, ինչը թույլ է տալիս շատ լավ պատկերացնել հանրային ծառայողների առօրյա աշխատանքային խնդիրներն ու մասնագիտական զարգացման կարիքները, և այդ կարիքների բավարարման համար առաջադրել լավ մտածված, կուռ բովանդակությամբ տրամաբանված դասընթացներ:

Մեր աշխատանքային փորձը, ինչպես նաև համակարգում նախապես իրականացրած կարիքների գնահատումը հնարավորություն է տվել մեզ՝ մշակելու վերապատրաստման ժամանակակից ծրագրեր և անհատական դասընթացներ, թեիմային աշխատանքի մոդելներ, որոնք համապատասխանում են պետական ծառայողների իրական աշխատանքային միջավայրին և ուղղված են գործնական հմտությունների զարգացմանը։