Երանուհին փիլիսոփայության և հանրային կառավարման ոլորտում փորձառու գիտնական և դասախոս է՝ բազմամյա ակադեմիական և գիտահետազոտական գործունեությամբ։ Ներկայումս դասավանդում է Հայաստանի Հանրապետության Հանրային կառավարման ակադեմիայում, ինչպես նաև Երևանի պետական համալսարանում, Ճգնաժամային կառավարման պետական ակադեմիայում և Եվրասիա միջազգային համալսարանում։

Միաժամանակ ղեկավարում է Երևանի պետական համալսարանի Գիտական քաղաքականության բաժինը՝ զբաղվելով գիտական կառավարման, հետազոտական ծրագրերի զարգացման և բարձրագույն կրթության համակարգի բարեփոխումների գործընթացներով։ Նրա ակադեմիական գործունեությունը ընդգրկում է սոցիալական փիլիսոփայություն, էթիկա, հանրային կառավարման տեսություն և սոցիալ-մշակութային գործընթացների վերլուծություն։

Ունի փիլիսոփայության գիտությունների թեկնածուի աստիճան (ԵՊՀ) և դոցենտի գիտական կոչում։ Մասնակցել է միջազգային վերապատրաստումների և ծրագրերի՝ ԱՄՆ-ում (George Mason University), ինչպես նաև Գերմանիայում (Մյունխեն, Ֆրանկֆուրտ), և հանդիսացել է մի շարք կրթական և հետազոտական դրամաշնորհային ծրագրերի համակարգող և հետազոտող։

Նրա գիտական հետաքրքրությունները ներառում են կոռուպցիայի սոցիալ-փիլիսոփայական վերլուծությունը, հանրային ծառայության էթիկան, սոցիալ-մշակութային պարադոքսները և ժամանակակից հասարակության փոխակերպումները։ Հեղինակ է բազմաթիվ գիտական հոդվածների, մենագրությունների և մեթոդական ձեռնարկների, այդ թվում՝ «Public Service Ethics» աշխատության։