Դասընթացի նկարագրություն
«Ժամանակակից մոտեցումներ մարդկային ռեսուրսների կառավարման համակարգում» դասընթացը նախատեսված է մասնակիցներին ծանոթացնելու մարդկային ռեսուրսների կառավարման արդիական սկզբունքներին, գործիքներին և գործնական մեթոդներին։ Դասընթացը միտված է HR ոլորտում անհրաժեշտ տեսական գիտելիքների և կիրառական հմտությունների զարգացմանը՝ կազմակերպությունում արդյունավետ և կայուն մարդկային ռեսուրսների համակարգ ձևավորելու նպատակով։
Դասընթացի ընթացքում մասնակիցները կծանոթանան աշխատակիցների ներգրավման, հավաքագրման, ադապտացիայի, ուսուցման և զարգացման, մոտիվացիայի և պահպանման գործընթացներին։ Առանձնահատուկ ուշադրություն կդարձվի կատարողականի կառավարման, կորպորատիվ մշակույթի ձևավորման և աշխատակիցների ներգրավվածության բարձրացման ժամանակակից մոտեցումներին։
Ծրագրում ընդգրկված են նաև HR թվայնացման, վերլուծական գործիքների կիրառման և ոլորտում կիրառվող նորարարական լուծումների վերաբերյալ թեմաներ՝ ապահովելով համապարփակ և կիրառելի գիտելիքների փոխանցում։
Դասընթացի նպատակը
Դասընթացի նպատակն է մասնակիցներին տրամադրել համակարգված գիտելիքներ և զարգացնել գործնական հմտություններ մարդկային ռեսուրսների կառավարման ոլորտում՝ կազմակերպությունում արդյունավետ HR համակարգ ձևավորելու, զարգացնելու և ռազմավարական մակարդակում կիրառելու համար։
Ինչ կսովորեք
Դասընթացի ավարտից հետո մասնակիցները կկարողանան՝
- հասկանալ մարդկային ռեսուրսների կառավարման դերն ու նշանակությունը կազմակերպության զարգացման համատեքստում,
- կիրառել հավաքագրման և աշխատակիցների ներգրավման ժամանակակից մեթոդներ,
- կազմակերպել ադապտացիայի և աշխատակիցների զարգացման գործընթացները,
- կիրառել կատարողականի կառավարման և գնահատման արդյունավետ գործիքներ,
- մշակել աշխատակիցների մոտիվացիայի և ներգրավվածության բարձրացման մեխանիզմներ,
- վերլուծել կազմակերպության մարդկային ռեսուրսների կարիքները և առաջարկել գործնական լուծումներ,
- կիրառել HR թվային գործիքներ և վերլուծական մեթոդներ աշխատանքի արդյունավետության բարձրացման համար։
Ում համար է նախատեսված
Դասընթացը նախատեսված է՝
- մարդկային ռեսուրսների (HR) մասնագետների համար,
- կազմակերպությունների ղեկավարների և թիմերի ղեկավարների համար,
- վարչական և կառավարման ոլորտի աշխատակիցների համար,
- բոլոր նրանց համար, ովքեր ներգրավված են աշխատակիցների կառավարման և զարգացման գործընթացներում,
- բոլոր նրանց համար, ովքեր ցանկանում են զարգացնել ժամանակակից HR հմտությունները։
Դասընթացի բովանդակությունը
Դասընթացը ներառում է հետևյալ թեմաները․
- Մարդկային ռեսուրսների կառավարման էությունը և դերը կազմակերպությունում
- Հավաքագրում և աշխատակիցների ներգրավում
- Ադապտացիայի և փորձաշրջանի կազմակերպում
- Աշխատակիցների ուսուցում և զարգացում
- Մոտիվացիայի և ներգրավվածության բարձրացման մեխանիզմներ
- Կատարողականի կառավարման համակարգեր և գնահատում
- Կորպորատիվ մշակույթի ձևավորում
- HR ռազմավարություն և պլանավորում
- HR թվայնացում և ժամանակակից գործիքներ
- Տվյալների վերլուծություն HR-ում (HR Analytics)
- Աշխատակիցների պահպանում և զարգացում
- Գործնական վարժություններ և իրավիճակային քննարկումներ
Վերապատրաստման արդյունքը
Դասընթացի ավարտից հետո մասնակիցները ձեռք կբերեն համակարգված գիտելիքներ և գործնական հմտություններ մարդկային ռեսուրսների կառավարման ոլորտում, որոնք կօգնեն արդյունավետ կազմակերպել HR գործընթացները, բարձրացնել աշխատակիցների ներգրավվածությունը և նպաստել կազմակերպության զարգացմանը։
Դասընթացի ավարտից հետո մասնակիցներին տրամադրվում է հավաստագիր։
Դասընթացավար
Դասընթացը վարում է Ժոզեֆինա Եսայանը։
Կազմակերպման ձևաչափ
Դասերի հաճախականությունը՝ շաբաթական 3 հանդիպում, 2 շաբաթ
Դասընթացի տևողությունը՝ յուրաքանչյուր դասը՝ 120 րոպե
Դասընթացի ձևաչափը՝ առցանց, տեսական և գործնական բաղադրիչների համադրությամբ
